Энгийнээр хэлбэл, cloud computing буюу үүлэн тооцоолол нь сервер, багтаамж, өгөгдлийн сан, сүлжээ, программ хангамж, аналитик зэрэг компьютерын үйлчилгээг интернэтээр хүргэх явдал юм. Үүлэн тооцоолол нь илүү хурдан инновац, уян хатан нөөц, хэмнэлтийг санал болгодог учраас компаний үйл ажиллагааны зардлаа бууруулж, дэд бүтцээ илүү үр ашигтай ажиллуулж, бизнесийн хэрэгцээгээ өөрчлөхөд тусалдаг.
Үүлэн тооцооллын гол давуу талууд
Үүлэн тооцоолол нь бизнесийн мэдээллийн технологийн нөөцийн талаарх уламжлалт арга барилаас том өөрчлөлт юм. Байгууллагууд үүлэн тооцооллын үйлчилгээнд хандах болсон нийтлэг зургаан шалтгааныг танд хэлж өгье.
Зардал
Үүлэн тооцоолол нь техник хангамж, программ хангамж худалдаж авах зардал, дата төв байгуулах болон ажиллуулах үүнд серверийн зогсуур, цахилгаан эрчим хүч, дэд бүтцийг удирдах мэдээллийн технологийн мэргэжилтнүүд гэх мэт зардлыг арилгадаг.
Хурд
Ихэнх үүлэн тооцооллын үйлчилгээнүүд нь өөрөө үйлчилгээ үзүүлдэг бөгөөд эрэлт хэрэгцээтэй байдаг тул асар их хэмжээний тооцооллын нөөцийг хэдхэн минутын дотор, ихэвчлэн хулганы хэдхэн товшилтоор хангадаг бөгөөд энэ нь бизнесүүдэд маш их уян хатан байдлыг өгч, хүчин чадлын төлөвлөлтийн дарамтаас ангижруулдаг.
Бүтээмжтэй байдал
Биет дата төвүүд нь ихэвчлэн техник хангамжийн тохиргоо, програм хангамжийн засвар болон бусад мэдээллийн технологийн менежментийн ажилууд гэх мэт маш их цаг хугацаа шаарддаг. Үүлэн тооцоолол нь эдгээр олон ажлуудын хэрэгцээг арилгадаг тул мэдээллийн технологийн багууд илүү чухал бизнесийн зорилгодоо хүрэхэд цаг зарцуулах боломжтой болгодог.
Гүйцэтгэл
Хамгийн том үүлэн тооцооллын үйлчилгээнүүд нь дэлхий даяарх аюулгүй дата төвүүдийн сүлжээнд байрладаг бөгөөд тэдгээрийг хамгийн сүүлийн үеийн хурдан бөгөөд чанартай тооцоолох техник хангамжид ажилладаг . Энэ нь аппликешнүүдийн сүлжээний хоцролтыг багасгаж, илүү хэмнэлт гаргах зэрэг нэг корпорацын мэдээллийн төвөөс хэд хэдэн давуу талтай.
Найдвартай байдал
Үүлэн тооцоолол нь үүлэн холбооны сүлжээн дэх олон сайтууд дээр өгөгдлөө байлгадаг учраас өгөгдлийг нөөцлөх, гамшгийн үед сэргээх, бизнесийн тасралтгүй байдлыг илүү хялбар бөгөөд хямд болгож өгдөг.
Аюулгүй байдал
Олон үүлэн үйлчилгээ үзүүлэгчид аюулаас хамгаалахад туслах өргөн хүрээний бодлого, технологи, хяналтыг гаргаснаар таны аюулгүй байдлын төлөв байдлыг бүхэлд нь бэхжүүлж, таны өгөгдөл, программ, дэд бүтцийг болзошгүй эрдлээс хамгаалдаг.
Үүлэн тооцооллын төрлүүд
Бүх үүл тооцоолол адилгүй бөгөөд нэг төрлийн үүлэн тооцоолол хүн бүрд тохирдоггүй. Таны хэрэгцээнд тохирсон зөв шийдлийг санал болгоход туслах хэд хэдэн загвар, төрөл, үйлчилгээ бий болсон. Юуны өмнө та үүлэн үйлчилгээнүүдээ хэрэгжүүлэх үүлэн тооцооллын архитектурын төрлийг тодорхойлох хэрэгтэй. Үүлэн үйлчилгээг ашиглах гурван өөр арга байдаг: нийтийн үүлэн тооцоолол, хувийн үүлэн тооцоолол эсвэл холимог үүлэн тооцоолол.
Нийтийн үүлэн тооцоолол
Нийтийн үүл нь гуравдагч талын үүлэн үйлчилгээ үзүүлэгчдийн эзэмшилд байдаг бөгөөд тэдгээр нь сервер, хадгалах сан зэрэг компьютерын нөөцөө интернэтээр дамжуулдаг. Microsoft Azure бол нийтийн үүлний жишээ юм. Нийтийн үүлтэй бол бүх техник хангамж, программ хангамж болон бусад туслах дэд бүтцийг үүлэн үйлчилгээ үзүүлэгч эзэмшиж, удирддаг. Та эдгээр үйлчилгээнд нэвтэрч, веб хөтөч ашиглан бүртгэлээ удирддаг.
Хувийн үүлэн тооцоолол
Хувийн үүлэн тооцоолол гэдэг нь зөвхөн нэг бизнес эсвэл байгууллагын ашигладаг үүлэн тооцооллын нөөцийг хэлнэ. Энэ нь компанийн газар дээрх дата төвд байрладаг. Зарим компаниуд хувийн үүлээ байршуулахын тулд гуравдагч талын үйлчилгээ үзүүлэгчдэд мөнгө төлдөг. Өөрөөр хэлбэл үйлчилгээ, дэд бүтцийг хувийн сүлжээнд хадгалдаг үүлэн технологи юм.
Холимог үүлэн тооцоолол
Холимог үүлэн тооцоолол нь нийтийн болон хувийн үүлэн тооцооллуудыг нэгтгэж, технологиор холбогдсон бөгөөд өгөгдөл болон программуудыг хооронд нь хуваалцах боломжийг олгодог. Өгөгдөл болон программуудыг хувийн болон нийтийн үүлэн хооронд шилжүүлэхийг зөвшөөрснөөр таны бизнест илүү уян хатан байдал, илүү олон байршуулах сонголтуудыг өгч, одоо байгаа дэд бүтэц, аюулгүй байдал, зохицуулалтыг оновчтой болгоход тусалдаг.
Үүл үйлчилгээний төрлүүд
Ихэнх үүлэн тооцооллын үйлчилгээнүүд нь дэд бүтэц нь үйлчилгээ (IaaS буюу infrastructure as a service), платформ нь үйлчилгээ (PaaS буюу platform as a service), программ хангамж нь үйлчилгээ (SaaS software as a service), сервергүй тооцоолол гэсэн дөрвөн том ангилалд хуваагддаг. Эдгээрийг заримдаа үүлэн тооцооллын “стек” гэж нэрлэдэг, учир нь тэдгээр нь бие биеийнхээ дээр байрладаг. Тэдгээр нь юу болох, хэрхэн ялгаатай болохыг мэдэх нь бизнесийн зорилгоо биелүүлэхэд хялбар болгодог.
Дэд бүтэц нь үйлчилгээ (IaaS буюу infrastructure as a service)
Үүл үйлчилгээний хамгийн үндсэн ангилал. IaaS-ийн тусламжтайгаар та үүл үйлчилгээ үзүүлэгчээс сервер болон виртуал машин (VMs), багтаамж, сүлжээ, үйлдлийн систем зэрэг мэдээллийн технологийн дэд бүтцийг түрээслэх боломжтой.
Платформ нь үйлчилгээ (PaaS буюу platform as a service)
Үйлчилгээний платформ гэдэг нь программ хангамжийн хэрэглээг хөгжүүлэх, турших, хүргэх, удирдахад шаардлагатай орчинг бүрдүүлдэг үүлэн тооцооллын үйлчилгээг хэлнэ. PaaS нь хөгжүүлэгчдэд шаардлагатай сервер, хадгалалт, сүлжээ, мэдээллийн сангийн суурь дэд бүтцийг тохируулах, удирдах талаар санаа зоволгүйгээр веб эсвэл гар утасны программуудыг хурдан бүтээхэд хялбар болгох зорилготой юм.
Программ хангамж нь үйлчилгээ (SaaS software as a service)
Програм хангамжийн үйлчилгээ гэдэг нь програм хангамжийн хэрэглээг интернетээр, эрэлт хэрэгцээний дагуу, ихэвчлэн захиалгын үндсэн дээр хүргэх арга юм. SaaS-ийн тусламжтайгаар үүлэн үйлчилгээ үзүүлэгчид програм хангамжийн програм болон суурь дэд бүтцийг байршуулж, удирдаж, програм хангамжийн шинэчлэлт, аюулгүй байдлын засвар гэх мэт аливаа засвар үйлчилгээ хийдэг. Хэрэглэгчид утас, таблет, компьютер дээрээ вэб хөтчөөр дамжуулан интернетээр холбогддог.
Сервергүй тооцоолол
PaaS-тай давхцаж байгаа сервергүй тооцоолол нь сервер болон дэд бүтцийг тасралтгүй удирдахад цаг зарцуулахгүйгээр программын ажиллагааг бий болгоход чиглэдэг. Үүл үйлчилгээ үзүүлэгч нь тохиргоо, хүчин чадлын төлөвлөлт, серверийн удирдлагыг танд зориулж зохицуулдаг. Сервергүй архитектурууд нь маш томорч, үйл явдалд тулгуурладаг бөгөөд зөвхөн тодорхой функц үүсэх үед нөөцийг ашигладаг.
Шинэ бичвэрүүд
Asynchronous programming 2024-11-23
Bluethooth хэрхэн ажиллада 2024-11-23
